Aston Martin sport avtomobillari ishlab chiqaruvchisi Montereydagi kimoshdi savdosida rekord o‘rnatdi: noma’lum xaridor 1956 yilda ishlab chiqarilgan DBR1 modeli uchun 22,6 million dollar to‘ladi. Bu haqda «CNN Money»ga tayanib «Kun.uz» xabar berdi. Shu tariqa Britaniya avtomobillarining kimoshdi savdosida rekord yangilandi. Bundan oldingi rekord bir yil avval, 1955 yilgi Jaguar D-Type 21,8 million dollarga sotilganida qayd etilgandi.
Sotheby's kimoshdi uyi DBR1'ni «Aston Martin tarixidagi eng muhim model» deb atadi. Sotilgan avtomobil - kompaniya tomonidan ishlab chiqarilgan besh DBR1'ning eng birinchisi hamda ochiq savdoga qo‘yilgan yagona shunday avtomobil sifatida e’tirof etilgan.
DBR1 avtomobillari 1956 yildan 1959 yilgacha ishlab chiqarilgan. Rekord narxga sotilgan avtomobil 1959 yildagi «Nyurburgringning 1000 km'i»poygasida g‘olib bo‘lgan.