2 iyul kuni Xalq ta’limi vaziri selektor yig‘ilishini o‘tkazdi. Vazir yig‘ilish davomida 10-11 sinflar tajriba tariqasida gumanitar va aniq fanlarga ixtisoslashtirilgan maktablarda ochilishini ta’kidladi. 10-11 sinflarda faqatgina ushbu tajriba qo‘llaniladigan maktab bitiruvchilari o‘qishlari mumkin, ya’ni 10-11 sinflar ochilmaydigan maktab o‘quvchilari 10-11 sinflar ochiladigan maktablarga o‘tolmaydilar.
Ushbu qarorga muvofiq maktab direktorlariga 10-11 sinflarga boshqa maktab o‘quvchilarini qabul qilmasliklari haqida kafolat xati yozib berishga ko‘rsatma berildi.
Shuningdek, 3 iyuldan boshlab shahardagi barcha kollej va liseylarda hujjat qabul qilish boshlanishi ham aytib o‘tildi.