O‘zbekiston Milliy matbuot markazida “Dori-darmon” aksiyadorlik kompaniyasining yarim yillik ish faoliyati bo‘yicha o‘tkazilgan matbuot anjumanida juda kamyob va faqatgina resept asosida sotiluvchi neoton dorisining narxi haqida savol berildi.Jurnalistning aytishicha, xususiy dorixonalardan ushbu dorini 200 ming atrofida xarid qilgan. “Dori-darmon” aksiyadorlik kompaniyasi neoton dorisining eng arzoni 50 ming so‘m, eng qimmati esa 50 ming 300 so‘mgacha baholanishini bildirdi.
Yana bir jurnalist bugungi kunda bolalarni gepatit A kasalligidan himoya qilish uchun emlanadigan dori vositalari qimmatligini va mamlakatimizda nima uchun ishlab chiqarilmayotgani xususida savol berdi. Masalan, Belgiyada ishlab chiqarilgani 150 ming so‘m, Xitoyda ishlab chiqarilgani esa 100 ming so‘mdan sotiladi.
Mutasaddilarning javobiga ko‘ra, ushbu dorini ishlab chiqarish uchun yurtimizda etarli giyohlar mavjud bo‘lib, hozirgi kunda ishlab chiqarish uchun tayyorgarlik ishlari ketmoqda.