Huquqni muhofaza qiluvchi organlar tomonidan o‘tkazilgan tadbir davomida Toshkent shahar Sergeli tumanida joylashgan Islom Karimov nomidagi xalqaro aeroportda odam savdosi bilan bog‘liq jinoyat fosh etildi.Aniqlanishicha, Bekobod shahrida vaqtincha yashovchi X.A. (1984 yilda tug‘ilgan) tanishlari M.O. (1983 yilda tug‘ilgan) va H.N.ni (1998 yilda tug‘ilgan) Malayziya davlatining Kuala-Lumpur shahridagi mehmonxonalarning birida o‘zining jinoiy sherigi "Sem" ismli tanishi bilan birga ulardan fohishalikda foydalanish maqsadida "Toshkent-Kuala-Lumpur" yo‘nalishi orqali Malayziya davlatiga olib chiqib ketayotgan vaqtida ichki ishlar organlari xodimlari tomonidan jinoyat ustida qo‘lga olingan.
Undan o‘zini va M.O. va H.N.ning nomiga yozilgan "Toshkent-Kuala-Lumpur" yo‘nalishiga berilgan aviachiptalar ashyoviy dalil sifatida olindi. Ushbu holat yuzasidan X.A.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atildi.
Hozirda tergov harakatlari olib borilmoqda.