Kecha, 12 iyun kuni Rossiya Federasiyasi o‘z milliy bayrami – Rossiya kunini nishonladi. Ushbu bayram Toshkent shahridagi Rossiya Federasiyasi elchixonasida ham tantana qilindi.Mazkur bayramga O‘zbekiston Respublikasi Bosh vaziri Abdulla Aripov tashrif buyurdi. Bu haqda elchixona Axborot xizmati xabar berdi.
Shuningdek, bayram tadbirida O‘zbekiston Respublikasi Oliy Majlisi Senati va Qonunchilik palatasi, Tashqi ishlar vazirligi, boshqa vazirlik va idoralar, jamoat tashkilotlari, diplomatik korpus va OAV vakillari ham ishtirok etdi.
Rossiya Federasiyasining Favqulodda va muxtor elchisi Vladimir Tyurdenev so‘zga chiqib, O‘zbekiston Rossiya uchun Markaziy Osiyodagi eng kerakli hamkorlardan biri ekanini ta’kidladi.