2017 yilning 10 iyun kuni, taxminan soat 09:30 larda, Toshkent shahar IIBB xodimlari tomonidan o‘tkazilgan «Qoradori-2017» tadbiri davomida, Shayxontohur tumani hududida, Abror Anvarovich Raxmatullaev uyining xovlisida qonunga xilof ravishda 1070 tup opiy ko‘knori giyohvandlik vositasini ekib, etishtirayotganligi aniqlangan, deb xabar beradi Poytaxt IIBB matbuot xizmati.
Mazkur holat yuzasidan Shayxontohur tumani IIB huzuridagi Tergov bo‘limi tomonidan O‘zbekiston Respublikasi JKning 270-moddasi 1-qismi (ta’qiqlangan ekinlarni qonunga xilof ravishda ekish va etishtirish) alomatlari bilan jinoyat ish qo‘zg‘atilgan. Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.