O‘zbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik ishlari, investisiya loyihalari ijrosining borishi bilan yaqindan tanishish, xalq bilan muloqot qilish maqsadida Andijon viloyatiga tashrif buyurgan edi.Tashrifdan so‘ng bir vaqtning o‘zida viloyat tibbiyot birlashmasiga hamda tibbiyot oliygohiga boshchilik qilib kelayotgan Abdushukur Sodiqov lavozimidan olinib, Andijon davlat tibbiyot institutiga Madamin Madazimov rektor etib tayinlangan edi.
Bo‘sh turgan tibbiyot birlashmasi boshlig‘i lavozimiga esa ancha yillar Andijon viloyati Bolalar shifoxonasida faoliyat yuritgan Ahmadullo Mamadaliev tayinlandi. Bu haqda Qalampir.uz xabar berdi.
Avval viloyat hokimining jamoat va diniy tashkilotlar bilan aloqalar bo‘yicha o‘rinbosari Tursunov Shahzod vazifasidan ozod etilgani va xalq talimi boshqarmasiga yangi rahbar tayinlangani ma’lum qilingandi.