Firibgarlik bilan shug‘ullanib yurgan Mehrangiz Jumaqulov poytaxtning Chilonzor tumanida qo‘lga tushdi. U bir nechta fuqarolarga Toshkent viloyati O‘rtachirchiq tumanida qurilayotgan namunali uylarni go‘yoki o‘ziga tanish mansabdor shaxslarga pora berish orqali navbatsiz, qisqa muddatlarda olib berishni va’da qilib, ulardan 1.500 AQSh dollarini olgan.
Mazkur holat yuzasidan Chilonzor tumani IIB huzuridagi Tergov bo‘limi tomonidan JKning 168-moddasi 3-qismi “b” bandi (firibgarlik) bilan jinoyat ishi qo‘zg‘atilib, Jumaqulovga nisbatan qamokqa olish tarzidagi ehtiyot chorasi qo‘llanildi.