Toshkent shahar Yakkasaroy tumani ichki ishlar xodimlari 4 yoshli farzandini pullayotgan ona hamda unga bu niyatini amalga oshirishda bevosita yordamlashgan va xaridor topib bergan vositachi ayolni qo‘lga olishdi. Bu haqda Toshkent shahar IIBB boshlig‘i o‘rinbosari Doniyor Toshxo‘jaev ma’lum qildi.Uning so‘zlariga ko‘ra, toshkentlik fuqaro qashqadaryolik ayolga farzandini sotish yo‘li bilan pul ishlashni taklif qilgan. Bunda vositachi dastlab bolani 2 ming AQSh dollariga sotishga uringan. Biroq, savdolashish chog‘ida uning narxi ming dollargacha tushirilgan.
IIBBga kelib tushgan xabar asosida ko‘rilgan tezkor tadbir natijasida ikkala ayol ham voqea joyida ushlangan. Ularga nisbatan O‘zbekiston Respublikasi 135-moddasi, 3-qismi bilan jinoiy ish qo‘zg‘atilgan.
Ayni vaqtda bola Toshkent shahar IIBB qoshidagi reabilitasiya markazida bo‘lib turibdi.