Odatda odamlar lotereya o‘ynab, katta yutuqni qo‘lga kiritganlarida turli noxushliklar yuz bermasligi nuqtai nazaridan ularning ismlari oshkor qilinmaydi. EuroMillions lotereyasi tashkilotchilari ham shu qoidaga amal qilib, yirik miqdordagi yutuq – 83,4 million evro yutgan, Dijon shahrida yashovchi oilani oshkor qilmadi. Bu oilaga yutuqni qo‘lga kiritish uchun 2,5 evro kifoya qildi.Lotereyada g‘olib bo‘lgan oila avval unga qiziqmagan. Oila rekord darajadagi jekpot o‘ynalayotganini eshitibgina, o‘z omadini sinab ko‘rishga qaror qilgan. Oila bu pulni qanday ishlatmoqchiligini aytmagan. G‘oliblarning ta’kidlashicha, ular o‘z ishlarini tashlab, hordiqqa ketish niyatida emaslar, chunki o‘z ishlarini yaxshi ko‘radilar.
Dijonlik oila yutgan yutuq EuroMillions tarixida yirikligi bo‘yicha 6-raqamlisi bo‘ldi. Bu borada rekord yutuq 2014 yilda qayd qilingan va u portugaliyalikka nasib qilgan. Bu yutuqning miqdori 190 mln evroni tashkil qilgan.
EuroMillions lotereyasi Evropaning bir qator davlatlarida 2004 yildan beri o‘ynalib kelinadi.