O‘zbekiston Respublikasi Prezidenti Shavkat Mirziyoyev joriy yilning 5 aprel kuni davlat tashrifi bilan Rossiyada bo‘ladi. Bu haqda "Kommersant’" nashriga tayanib "Daryo" xabar berdi.
Moskvadagi O‘zbekiston elchixonasi tashrifga tayyorgarlik ko‘rilayotganini tasdiqlagan, biroq aniq sana haqida biror nima deyilmagan.
Eslatib o‘tamiz, Shavkat Mirziyoyev O‘zbekiston Prezidenti sifatida ilk marta Rossiyaga boradi. Prezident Moskvada Rossiya prezidenti Vladimir Putin bilan uchrashishi rejalashtirilgan.