Londonning janubidagi Kenli tumanida yashovchi Roman ismli 4 yoshli bola uyda onasi to‘satdan hushini yo‘qotganda, iPhone smartfonidagi Siri ovozli yordam dasturi ko‘magida onasining hayotini saqlab qoldi, deb yozmoqda Kun.uz nashri.Dastlab jajji Roman onasining katta barmog‘i yordamida telefonni blokdan chiqargan. So‘ngra Siri dasturiga kirib, uni qutqaruv xizmatining 999 raqami bilan bog‘lashni so‘ragan. Roman operatorga onasi "o‘lganini" – ko‘zini yumib, nafas olmayotganini aytgan. Operator zudlik bilan bola ta’riflagan manzilga tez yordam mashinasi va polisiyani jo‘natgan. Ayol zudlik bilan yaqin oradaga shifoxonaga etkazilgan. Shifokorlar uning hayotini saqlab qolishgan.
Roman voqea yuz berganda uydagi yagona "erkak" bo‘lgan, deb yozmoqda Gizmodo nashri. U bilan ukasi ham bo‘lgan va ko‘rinishicha, u hali juda kichik yoshda. Roman esa bunday qaltis holatda o‘zini yo‘qotib qo‘ymay, nafaqat barcha ovozli buyruqlarni to‘g‘ri bajara olgan, balki operatorga qayerda yashashlarini uy manzilini aniq bilmagan holda tushuntirib bera olgan.