Bugungacha Toshkent shahar hokimining o‘rinbosari lavozimida faoliyat yuritib kelayotgan Mirzohid Obidov boshqa ishga o‘tishi munosabati bilan vazifasidan ozod etildi. Bu haqda “Qalampir.uz” xabar bermoqda.
Ma’lumotlarga qaraganda, Toshkent shahar hokimining ma’muriy masalalar, huquqni muhofaza qilish organlari faoliyatini muvofaqlashtirish, o‘zini o‘zi boshqarish organlari va yoshlar siyosati bo‘yicha birinchi o‘rinbosari lavozimida faoliyat yuritgan Mirzohid Obidov O‘zbekiston Respublikasi Prezidentining Toshkent shahridagi Xalq qabulxonasi rahbari etib tayinlangan.
Toshkent shahar hokimining o‘rinbosari lavozimida uzoq vaqt ishlamagan Mirzohid Obidov bundan avval Toshkent shahar prokurori lavozimida faoliyat yuritgan edi.