Gruziyaning Batumi shahrida yashovchi Natela Lazishvili ismli ayol birinchi farzandini 59 yoshida dunyoga keltirdi, deb yozadi «Daryo». U 61 yoshli turmush o‘rtog‘i bilan bunday quvonchli voqeani 33 yildan buyon kutardi.«Imedi» telekompaniyasi ma’lumotlariga ko‘ra, tug‘ruq muvaffaqiyatli kechgan. 2,3 kilogramm og‘irlikdagi chaqaloq kesarcha kesish usuli bilan dunyoga keltirilgan.
Bolaga Georgiy deb ism qo‘yishdi. Ayni paytda chaqaloq va uning onasi o‘zlarini yaxshi his qilmoqda.