Toshkent ko‘chalarining birida noma’lum mashina yo‘l xizmati xodimini urib ketgan. Jabrlanuvchi shifoxonada vafot etgan.Fojia guvohi Feysbukdagi foydalanuvchilari anonim bo‘lgan “O‘zbekiston, tan ol” (“Priznavaysya, Uzbekistan”) guruhida voqea tafsilotlarini keltiradi. Uning so‘zlariga qaraganda, 9 mart kuni soat 11 da Buyuk Ipak Yo‘li metrosi yaqinida “Lasetti” rusumli oq rangli mashina katta tezlikda asosiy yo‘lga chiqib, chetda turgan yo‘l xizmati xodimini urib ketgan. Jabrlanuvchi shifoxonaga zudlik bilan etkazilganiga qaramay, shifokorlar uning hayoti saqlab qola olmagan.
Manba: www.kun.uz