Toshkent va Buxoroda Turkmaniston madaniyat kunlari bo‘lib o‘tadi. Madaniyat va sport ishlari vazirligi matbuot xizmati xabariga ko‘ra, ular O‘zbekiston hukumatining 4 noyabrdagi topshirig‘iga binoan o‘tkaziladi.7 noyabr kuni Turkmaniston madaniyat vaziri o‘rinbosari Atageldi Shamuradov boshchiligidagi Turkmaniston delegasiyasi Buxoroning diqqatga sazovor maskanlarini tomosha qildi, 8 noyabrda esa O‘zbekiston Madaniyat va sport vazirligida uchrashuv o‘tkazdi.
Alisher Navoiy nomidagi davlat akademik katta teatrida Turkmaniston madaniyat kunlarining ochilish tantanasi o‘tkaziladi.
9 noyabrda poytaxtda amaliy san’at va muzey ko‘rgazmasi, yozuvchi va shoirlari uchrashuvi, konsert va turkman filmlari namoyishi bo‘lib o‘tadi. 10 noyabrda esa Buxoroda turkman kinofilmlari namoyishi o‘tkaziladi.