Buxoroda o‘zini mahalliy gazetalardan birining muxbiri sifatida tanishtirgan soxta jurnalist yo‘l qo‘yilgan kamchiliklar haqida sukut saqlashi uchun kollej direktorlaridan pora oldi. Bu haqda «UZ24»ga asoslanib «Kun.uz» xabar bermoqda.Ma’lum bo‘lishicha, ayblanuvchi 2014 yil iyunida Kogon maishiy xizmat kollejiga kelib, o‘zini "Media-plyus" gazetasining viloyat muxbirlari muvofiqlashtiruvchisi sifatida tanishtirgan.
Uning so‘zlariga ko‘ra, u go‘yo shu gazeta muxbiri bilan birga ushbu kollejga «Sog‘lom bola yili» davlat dasturining bajarilishi to‘g‘risida maqola tayyorlash uchun bosh muharrir ko‘rsatmasi bilan kelgan.
Kollej kutubxonasini ko‘zdan kechirgan «jurnalistlar» ichiga o‘quvchilar tomonidan suratlar chizilgan kitoblarni topishgan. Yordamchisini jo‘natib, jinoyatchi direktorga bosim o‘tkazishni boshlagan, direktor davlat dasturiga rioya qilmayotganini, bu haqda tegishli joylarga xabar qilishini aytgan.
Qo‘rqib ketgan direktor soxta jurnalist bilan kelishishga harakat qilgan va unga 50 dollar va 100 ming so‘m ko‘rinishida pora taklif qilgan. Soxta jurnalist va tekshiruvchi bu taklifga rozi bo‘lgan.
Ular shu yo‘l bilan Kogon maktabgacha ta’lim va servis kolleji rahbariyatidan 100 dollar va 300 ming so‘m olishga harakat qilishganida, huquqni muhofaza qilish organlari tomonidan qo‘lga olingan. Ushbu qilmishi uchun soxta jurnalist 5 yilga ozodlikdan mahrum etilgan.
Foto: anhor.uz