Ukraina prezidenti Petr Poroshenko Nyu York shahrida AQSh prezidentligi uchun demokratlar partiyasi nomzodi Hillari Klinton bilan uchrashdi, deb xabar berdi "Kun" nashri. "Men uchun bu uchrashuv juda muhim. Men Ukraina suvereniteti, hududiy yaxlitligi va mustaqilligini, shuningdek, so‘nggi ikki yilda o‘tkazilayotgan islohotlarni qo‘llab-quvvatlash borasidagi aniq qarashingiz uchun minnatdorman", – degan Poroshenko Klinton bilan uchrashuvda.
O‘z navbatida, AQSh prezidentligi uchun nomzod, Ukrainada qanaqa islohotlar o‘tkazilayotganini bilishga qiziqqan.
"Bu Ukrainaning taraqqiyotini va Rossiya agressiyasi sharoitida amalga oshirilayotgan o‘zgarishlarni muhokama qilish uchun yaxshi imkoniyatdir", – degan Klinton.
Eslatib o‘tamiz, Poroshenko BMT Bosh assambleyasining 71 sessiyasida ishtirok etish uchun Nyu Yorkda bo‘lib turibdi. U, shuningdek, sessiya doirasida AQSh prezidenti Barak Obama bilan ham uchrashadi.