Yozgi mavsumda yo‘lovchilarni tashish uchun Toshkentdan Issiqko‘l bo‘yidagi Baliqchi shahriga (Qirg‘iziston) yangi turistik poezd qatnovi yo‘lga qo‘yiladi. Ilk qatnov 16 avgust kuni amalga oshiriladi. «O‘zbekiston temir yo‘llari» kompaniyasining «O‘ztemiryo‘lyo‘lovchi» aksiyadorlik jamiyati ma’lumoti asosida “Kun”
xabar beradi. Poezd Toshkentdan 16, 23 va 30 avgust, yakshanba kunlari soat 13:27 da chiqib Baliqchiga 17, 24 va 31 avgust, dushanba kunlari soat 12:44 da etib boradi.
Baliqchidan 18, 25 avgust va 1 sentyabr, seshanba kunlari soat 02:55 da chiqib, Toshkentga 19, 26 avgust va 2 sentyabr, chorshanba kunlari soat 07:43 da etib keladi.
Poezd tarkibi kupe, plaskart va restoran vagonlaridan iborat.
Ma’lumot uchun, Qirg‘iziston hududida joylashgan Issiqko‘l MDHdagi eng ommabop dam olish maskanlaridan biri bo‘lib, Baliqchi shahri ko‘lning g‘arbiy sohilida joylashgan.