AQShning Florida shtatidan bo‘lgan 35 yoshli Kolin Berns do‘stlari bilan mashhur Katta dara parkiga ekskursiyaga yo‘l olib, baland qoya chetida o‘tirgancha suratga tushdi va shu zaxoti suratni Instagram'ga joyladi. Bu haqda “Sosmo.ru”ga asoslanib “Darakchi.uz” xabar berdi.
Bu vaqtda qizning do‘stlari quyosh botishini suratga olayotgan bo‘lib, ijtimoiy tarmoqqa joylangan surat Kolinning so‘nggi surati bo‘lishini xayollariga ham keltirishmadi.
Independent nashrining xabar berishicha, qiz tabiat manzarasida suratga tushmoqchi bo‘lib, qoya chetiga o‘tirgan, suratga tushib bo‘lgach, xavfli joydan qo‘zg‘alganda, oyog‘i toyib ketib, 120 metr balandlikdan jarga qulagan.
Qizning do‘stlari hamon shok holatida bo‘lib, bu qulash ularning hayotidagi eng dahshatli voqea bo‘lib qolganligini ta’kidlashmoqda. Kolorado shtati polisiyasi va milliy park xavfsizlik xizmati xodimlari sayyohlar orasida bunday baxtsiz hodisalarning oldini olish choralarini ko‘rmoqda.