1 avgust kuni transport harakati cheklanadigan ko‘chalar ro‘yxati e’lon qilindi

Toshkent shahar hokimligi, Toshkent shahar Ichki ishlar bosh boshqarmasi Yo‘l harakati xavfsizligi boshqarmasi 2016 yilning 1 avgust kuni poytaxt Toshkentdagi oliy o‘quv yurtlariga kirish uchun test sinovlari o‘tkazilishi munosabati bilan soat 06.00dan to test sinovlari tadbiri tugaguniga qadar quyidagi ko‘chalar bo‘ylab barcha turdagi transport vositalari harakati cheklanishini ma’lum qildi, deb yozmoqda "Qalampir.uz" nashri.

Olmazor tumanida:

· Universitet ko‘chasi bo‘ylab Forobiy ko‘chasidan Talabalar ko‘chasiga qadar;

· Shifokor 1-tor ko‘chasi bo‘ylab Shifokor ko‘chasidan TXAYga qadar

Mirzo Ulug‘bek tumanida:

· Qori Niyoziy ko‘chasi bo‘ylab Niyozbek yo‘li ko‘chasidan Osiyo ko‘chasiga qadar;

Shayxontohur tumanida:

- Paxtakor ko‘chasi bo‘ylab;

Uchtepa tumanida:

· Reshetov ko‘chasi bo‘ylab Uyg‘ur ko‘chasidan B. Nosirov ko‘chasiga qadar;

Yakkasaroy tumanida:

· Shohjahon ko‘chasi bo‘ylab Askiya ko‘chasidan Imom-at-Termiziy ko‘chasiga qadar;

· Bratislava ko‘chasi bo‘ylab Shota Rustaveli ko‘chasidan Yusuf Xos Hojib ko‘chasiga qadar;

· Yusuf Xos Hojib ko‘chasi bo‘ylab Bratislava ko‘chasidan Bog‘tepa ko‘chasiga qadar;

Mirobod tumanida:

· Shahrisabz ko‘chasining Taras Shevchenko ko‘chasidan Amir Temur shox ko‘chasiga qadar.

Toshkent shahar hokimiyatining ma’lum qilishicha, test sinovlari bo‘lib o‘tadigan boshqa joylarda ham vaziyat taqozo etganda, transport harakati vaqtincha cheklanishi mumkin.