Joriy yilning 12 iyul kuni O‘zbekiston musulmonlari idorasi tasarrufidagi 9ta o‘rta maxsus islom bilim yurtlarida 2016-2017 o‘quv yili uchun qabul imtihonlari bo‘lib o‘tdi. Diniy ta’lim muassasalarida 2016-2017 o‘quv yili uchun qabul imtihoni natijalari O‘zbekiston Respublikasi Vazir Mahkamasi huzuridagi Din ishlari bo‘yicha qo‘mita tomonidan e’lon qilindi, deb
yozmoqda "Qalampir.uz" nashri.
Unga ko‘ra, qabul imtihonlari ikki bosqichda o‘tkazilgan bo‘lib, birinchi bosqichda “Ona tili” fanidan diktant, ikkinchi bosqichda “Ma’naviyat asoslari”, “Chet tili”, “Tarix” fanlari bo‘yicha test sinov shaklida bo‘lib o‘tdi.
Qabul imtihoni natijalari joriy yilning 15 iyul kuni e’lon qilinib, imtihon natijalariga ko‘ra eng yuqori ball to‘plagan abiturientlardan 204 nafari o‘rta maxsus islom bilim yurtlariga o‘qishga qabul qilindi.
Ma’lumot uchun, 2016-2017 o‘quv yili uchun o‘rta maxsus islom bilim yurtlariga jami 1313 nafar abiturient hujjat topshirgan bo‘lib, shundan 203 nafari ayol-qizlar bilim yurtiga to‘g‘ri keladi.