Toshkent shahrining Beshqayrag‘och mavzesida 53-sonli avtobus ishtirokida yo‘l-transport hodisasi sodir bo‘ldi. Bu haqda Facebook ijtimoiy tarmog‘ining “Voditeli Tashkenta” guruhida xabar qoldirildi, deyiladi "Darakchi" nashrida. YTH haqidagi xabarga ilova qilingan suratlarda Mersedes Benz rusumli avtobusning yo‘l chetidagi ustunga borib urilgani aks etgan. Kuchli zarbdan avtobusning old qismiga jiddiy zarar etgan. Guruhga YTH suratlarini joylagan internet foydalanuvchisi “Ustun avtobus salonining yarmigacha kirib ketishi uchun, u qanday tezlikda kelayotgan bo‘lishi kerak?” deb yozib qoldirdi.
Hodisa guvohlaridan birining aytishicha, yo‘l-transport hodisasi avtobus haydovchisining qon bosimi ko‘tarilib ketganligi sabab sodir bo‘lgan. YTH oqibatida 15 kishi jabrlangan, ularning barchasi shifoxonaga olib ketilgan.