2019 yilda onlayn auksion orqali 36000 dan ortiq avtomobil raqamlari sotildi. O‘tgan yili "chiroyli" avtoraqamlardan Respublika budjetiga 156,1 milliard so‘m tushgan. Bu haqda Respublika tovar-xom ashyo birjasi xabar berdi.
O‘tgan 12 oy davomida 36,3 ming avtoraqamlar sotilgan. Bu 2018 yilgidan 28% ko‘pdir. Har bir savdo uchun o‘rtacha summa 4,3 million so‘mni tashkil etdi.
Eslatib o‘tamiz, auksion orqali sotilgan avtoraqamlardan tushgan mablag‘ning 80 foizi davlat budjetiga tushadi. 20 foizi IIVning maxsus jamg‘armasiga o‘tkaziladi.