Xalqaro press klubda "Har bir oila – tadbirkor" davlat dasturining ijrosi yuzasidan muhokama sessiyasi bo‘lib o‘tmoqda, deb xabar beradi Kun.uz nashri.Sessiyada ishtirok etayotgan Markaziy bank raisi Mamarizo Nurmurodov chet el valyutasini ayirboshlashning "qora bozor" shakli xususida fikr bildirgan.
"Yo‘lga qo‘yilgan tizimga asosan banklarda chet el valyutasini sotish ham, sotib olish ham muammo tug‘dirmasligi kerak. Shuningdek, valyutani karta orqali olish ham, joylarda o‘rnatilgan uskunalar yordamida naqd ko‘rinishda ham olish mumkin", - deydi Markaziy bank raisi.