O‘zbekiston oltin-valyuta zaxiralari so‘nggi bir oy ichida 1 mlrd dollarga kamaydi. Bundan Markaziy bank ma’lumotlari darak beryapti.1 may kuni holatiga rasmiy zaxiralar 26,6 mlrd dollarni tashkil etgan bo‘lsa, 1 aprelda bu ko‘rsatkich 27,6 mlrd dollar edi.
Agar tuzilmaga qaralsa, unda o‘tgan oyda xorijiy valyutadagi zaxiralar keskin qisqarganini ko‘rish mumkin - 12,8 milliard dollardan 11,5 milliard dollargacha.
Oltin zaxiralari yil boshidan buyon maksimal ko‘rsatkichga yetgan - 14,6 milliard dollar (bir oy oldin 14,4 milliard dollar edi).
Chet el valyutasidagi hajmlarning pasayishi ayniqsa 1 mart holatidagi keskin o‘sish fonida ajralib turibdi:
Manba: Kun.uz