O‘zbekistonda so‘nggi bir necha yil davomida barcha turdagi tadbirkorlik sub’ektlarining soliq va moliyaviy hisobotlarini elektron ko‘rinishda topshirishga bosqichma-bosqich o‘tish ishlari olib borildi. Podrobno.uz’ga asoslanib Kun.uz'ning
xabar berishicha, ushbu jarayon 2014 yilning oxirigacha yakunlanishi kerak.
Qayd etishlaricha, o‘tgan davr mobaynida soliq to‘lovchilar hisobotlarni bunday topshirish yo‘lining ustunliklarini his qilib ulgurishdi: avvallari hisobot davrida navbatda “sarg‘ayishlar” yo‘qolib, vaqt tejaladigan bo‘ldi, hisobotlarni esa istalgan vaqtda, hatto dam olish kunlari ham, uy yoki ofisdan chiqmagan holda topshirish imkoni yuzaga keldi.
2014 yilning oxirigacha korxonalarda hisobotlarni o‘zlariga ma’qul ko‘rinishda – hisobotlarni soliq inspeksiyasiga kelib topshirib ketish, buyurtma xat orqali pochta orqali jo‘natish yoki Internet orqali elektron maktub ko‘rinishida jo‘natish imkoni mavjud edi.
Biroq, Soliq kodeksidagi tegishli talablarga asosan, 2015 yilning 1 yanvaridan boshlab barcha turdagi tadbirkorlar sub’ektlari o‘z soliq va moliyaviy hisobotlarini faqat internet orqali, elektron hujjat ko‘rinishida taqdim etishlari shart bo‘ladi.