Turli sohalarda bo‘lgani kabi moliya muassasalari tizimida ham innovatsion g‘oyalar, loyiha va ishlanmalar samarali qo‘llanilmoqda.
ATB “Qishloq qurilish bank” tomonidan berilgan ma’lumotlarga ko‘ra, kelgusida xorij tajribasi asosida qisqa muddatli “onlayn qarz berish” tizimi yo‘lga qo‘yilishi rejalashtirilgan.
Mazkur tizim yo‘lga qo‘yilgandan so‘ng bank mijozlari ushbu qarzni 1 oydan 12 oygacha bo‘lgan muddatga olishlari mumkin bo‘ladi. Ya’ni mijoz murojaatiga asosan, uning plastik kartochkasiga masofadan turib mablag‘ yo‘naltiriladi. Qarzga olingan mablag‘lar foiz qo‘shilgan holda qaytariladi.