“Chiroyli” avtoraqamlardan byudjetga qancha pul tushdi?

2017 yil sentyabr oyidan sotuvi yo‘lga qo‘yilgan chiroyli davlat raqamlaridan yil oxiriga qadar 31 milliard so‘mdan ortiq mablag‘ tushgan. Bu haqda O‘zA xabar bermoqda.

Qayd etilishicha, bu haqda Xalqaro press-klub sessiyasida Yo‘l harakati xavfsizligi bosh boshqarmasi vakili ma’lum qilgan.

Eslatib o‘tamiz, O‘zbekiston Respublikasi Vazirlar Mahkamasining 2017 yil 31 avgustidagi 683–sonli qarorini bajarish maqsadida jismoniy va yuridik shaxslarga avtomototransport vositalari uchun ro‘yxatdan o‘tkazish davlat raqami belgilarini oshirilgan to‘lov stavkalarida sotish bo‘yicha yangi savdo platformasi ishga tushirildi. Avtoraqamlarni sotish bo‘yicha onlayn auksion birjaning yangi avtoraqam.uzex.uz veb-saytida amalga oshirila boshladi.