Coca-Cola kompaniyasiga AQSh ichki kirimlar xizmati tomonidan shikoyat xati yo‘llandi. Unda kompaniya tomonidan 3,3 mlrd dollar miqdoridagi soliq to‘lanmay qolgani haqida aytilgan. Bu haqda Bloomberg nashri xabar yozgan.Xabarda aytilishicha, Coca-Cola kompaniyasining 2007-2009 yillardagi faoliyati tekshirilganda shunday holat aniqlangan.
Hozircha kompaniyaga nisbatan jarima qo‘llangani borasida ma’lumot yo‘q.
O‘z navbatida Coca-Cola sudda o‘zining aybsizligini isbotlab bermoqchi.
Biroz oldinroq, AQShdagi Coca-Cola Enterprises, Ispaniyadagi Coca-Cola Iberian Partners, Germaniyadagi Coca-Cola Erfrischungsgetranke birlashishi haqida xabar qilingandi. Bu haqda Coca-Cola Company xabar qilgan.
Yangi xolding Coca-Cola European Partners nomini olishi va Evropadagi eng yirik ichimliklar ishlab chiqaruvchiga aylanishi aytilgan.