2015 yil 1 yanvaridan boshlab korxona va tashkilotlar Soliq idoralariga har chorakdagi hisobotlarni topshirishi to‘liq elektron tizimga o‘tkaziladi, deb xabar bermoqda «Kun.uz».
Joriy yilning 3 dekabr kuni O‘zbekiston Respublikasi Prezidenti Islom Karimov 2011 yil 24 avgustida qabul qilingan “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qo‘shimcha chora-tadbirlar to‘g‘risida”gi qonun va “Statistika, soliq, moliya hisobotlari, lisenziyalanadigan faoliyat turlari va ruxsatnoma berish jarayonlarini tubdan qisqartirish chora-tadbirlari to‘g‘risida”gi 2012 yil 12 iyulda chiqarilgan qarorga yangi o‘zgartirishlar kiritilganini ma’lum qilgan.
Bu o‘zgartirishlarga ko‘ra, endilikda, 2015 yil 1 yanvaridan boshlab jismoniy va yuridik shaxslar o‘z soliq hisobotlarini faqat elektron shaklda va faqat internet orqali topshirishlari zarurligi belgilab qo‘yilgan.