Ukraina Rossiyaga o‘z sut mahsulotlarini eksport qilishda yuzaga kelgan muammolar sababli ushbu mahsulotlarni Qozog‘istonga etkazib berish bo‘yicha kelishuvga erishdi va bunday mahsulotlardan Evropa davlatlariga ham sotishni rejalashtirmoqda. Bu haqda Ukraina Iqtisodiy rivojlanish va savdo vaziri Ayvaras Abramavichus malumotiga tayanib Kun.uz ma’lum qildi.
Abramavichus Qozog‘istonda Ukrainaning 8ta kompaniyasi ishlashi mumkinligini qayd qilib o‘tdi. Vazir, shuningdek, qolgan sut mahsulotlari EIga eksport qilinishiga umid bildirishi aytdi.
“Evropa bilan yil oxirigacha 5ta korxona Evropa Ittifoqiga sut mahsulotlari eksport qilishi uchun ruxsat olishi bo‘yicha muzokaralar olib borilmoqda”, deb ta’kidladi Abramavichus.
Rossiyaning Rosselxoznadzor va Rospotrebnadzor tashkilotlari 2014 yilda Ukrainadan bir qator mahsulotlarni ularning sifatiga bildirilgan e’tirozlar sababli Rossiyaga kiritilishini vaqtinchalik man qilib qo‘ygan edi. Man qilingan mahsulotlar orasida pishloq, soya, kungaboqar, jo‘xori uni, cho‘chqa go‘shti, kartoshka, meva-sazbavot mahsulotlari, baliq konservalari, soklar, qandolatchilik mahsulotlari va sut mahsulotlari bor.