«Apple»ning aksiyalari narxi keskin tushib ketishi, 1 dekabrda kompaniya kapitalizasiyasi 22,65 milliard dollarga kamayishiga olib keldi. «Nasdaq» birjasi ma’lumotlari shundan dalolat bermoqda, deb
yozadi «Kun.uz».
Savdo yopilayotganda «Apple» aksiyalari 115,07 dollar — avvalgi kundagidan 3,3 foiz past edi. Shu tariqa «Apple» sarmoyadorlari bir kunda 22,65 milliard dollar yo‘qotdi.
«Apple» Amerika kompaniyalari orasida birinchi bo‘lib kapitalizasiya bahosida 700 milliard dollarlik ko‘rsatkichdan o‘zib ketgandi. Tahlilchilarning fikricha, kelajakda kompaniya kapitalizasiyasi 1 trillion dollarlik birinchi kompaniya bo‘lishi mumkin.
Bu keskin pasayishni ekspertlar qator sabablar bilan izohlashmoqda. Shulardan biri — qarz o‘sishidan keyingi tabiiy pasayish. Kompaniya aksiyalari bu yil 40 foizdan ko‘proq to‘pladi, o‘tgan haftada esa qog‘ozga tarixdagi rekord natijani (119,75 dollar) ko‘rsatdi. Bundan tashqari, «Apple» aksiyalari tahlilchilar bashoratidan tezroq oshmoqda. Atigi to‘rt oy oldin ular uchun eng maksimal narx 90-91 dollar edi.
Milliarder va sarmoyador Karl Ikanning fikricha, «Apple» aksiyalari narxi 203 dollar atrofida bo‘lishi kerak.
Foto: Seth Wenig / AP