Venesuela Kolumbiya bilan chegarani ochishdi va mamlakat aholisiga hayot uchun kerakli birlamchi - oziq-ovqat va dori-darmon mahsulotlarini ushbu davlatdan sotib olishga chaqirdi, deya xabar beradi BBC.O‘tgan hafta Venesuela - Kolumbiya chegarasiga 35 ming odam to‘plangan. Bu bir yil muqaddam Venesuela prezidenti tomonidan chegaraning yopilganidan beri ilk marta eng ko‘p odam yig‘ilishidir. O‘shanda prezident Nikolas Maduroning bunday qaror qilishiga transchegaraviy jinoyatning oldini olish ko‘zda tutilgan edi.
Amaldorlar esa birlamchi iste’mol mollari katta miqdorda xarid qilinishi oqibatida har ikki davlat aholisi o‘rtasida nizolar keltirib chiqarishidan xavotirda. Hozirda iqtisodiy inqiroz sababli Venesuelada oziq-ovqat va dori-darmonga bo‘lgan aholi ehtiyojini qondirib bo‘lmayapti.
2014 va 2015 yillarda mamlakat YaIM keskin tushib ketdi xalqaro valyuta jamg‘armasi esa neftning narxi oshganligiga qaramasdan joriy yilda mamlakat iqtisodi 8% kamayishini taxmin qilmoqda. Prezident Maduro bunda Venesuelaga "iqtisodiy urush" ochgan Vashingtonni qo‘llab-quvvatllayotgan korporasiyalarni ayblamoqda.