Qaynoq choy isteʼmol qilish qiziloʻngach saratoni paydo boʻlishi va rivojlanishi xavfini oshiradi, deya maʼlum qildi xalqaro ilmiy guruh deb yozadi Sof.uz nashri.Qayd etilishicha, olimlar 40 yoshdan 75 yoshgacha boʻlgan 50 mingdan ziyod kishi ishtirokida tadqiqot oʻtkazishadi. Oʻrtacha kuzatish davri oʻn yilni tashkil etdi. Olingan natijalarga koʻra tadqiqotda qatnashgan 317 nafar koʻngillida qiziloʻngach saratoni qayd etilgan.
Maʼlum boʻlishicha, muntazam ravishda 60 daraja issiqdan ortiq haroratda 700 ml.dan ortiq choyni har kuni isteʼmol qilish qiziloʻngach saratoni rivojlanish xavfini 90 foizga oshiradi.
“Koʻpchilik choy, qahva yoki boshqa qaynoq ichimliklarni ichishni yaxshi koʻrishadi. Biroq, biz olib borgan tadqiqot natijalariga koʻra, juda issiq choy isteʼmol qilish qiziloʻngach saratoni paydo boʻlishi va rivojlanishi xavfini oshirishi mumkin”, - dedi tadqiqot yetakchi muallifi Amerika onkologiya jamiyati professori Farhad Islami.
Professor qiziloʻngach saratoni rivojlanishining oldini olish uchun qaynoq ichimlik sovishini kutishni tavsiya berdi.