Ibn Javziy (Alloh u kishini rahmat qilsin) mana bu gaplarini go‘yo bizning zamonamiz haqida aytgandek:Do‘stlarim, birodarlarim bor edi. Ularga o‘rganib qolgandim. Qarasam, ular do‘stlik shartlariga rioya qilmayaptilar, jafo ko‘chasiga qadam bosyaptilar. Ajabo, shunaqasi ham bo‘lar ekan! Oldiniga ularga tanbeh bera boshladim, keyin o‘zimga kelib, tanbehga nima bor, o‘zi ichidan chiqib tuzalmagan do‘st do‘stmi, o‘zi bilib, anglab, samimiy bo‘lgan qayoqdayu, sening tanbehingdan keyin o‘zini o‘nglagan qayoqda, deya o‘zimni o‘zim koyiy boshladim.
Ular bilan aloqani uzmoqchi bo‘ldim. Keyin o‘ylanib qoldim. Qarasam, hamma odamlar yo yuzaki do‘stga va yo shunchaki tanishga aylanib bo‘libdilar. Shunday ekan, ular bilan aloqani uzishning foydasi yo‘q. Yaxshisi, ularni birodarlik olamidan yuzaki do‘stlik olamiga ko‘chirib qo‘ya qolay. Shunga ham yaramasalar, birato‘la shunchaki tanishlik olamiga o‘tkazib qo‘yaman-da, o‘shanga yarasha muomala qilib yuraveraman. Undaylarga tanbeh berish xato. Ular tanbehga arzimaydilar...
"Qalam" uchun arabchadan
Muqim MAHMUD tarjimasi
Muqim MAHMUD tarjimasi
Manba: Azon.uz