Bugungi kunda turli millat vakillari orasida bilakka qizil ip bog’lab yurgan insonlarni juda ko’p uchratyapmiz. Bunday paytda sizda ham ushbu ipning qanday mano anglatishiga bog’liq savollar paydo bo’lsa ajab emas. Garchi ushbu ip yomon ko’zdan saqlashi haqidagi gap-so’zlardan xabardor bo’lsangiz ham uning kelib chiqish tarixi siz uchun qiziq bo’lsa kerak.Qizil ip induizm ibodatxonalarida yosh qizlar qo’lida taqib qo’yiladi. Buning manosi ip tez orada qizning bo’lajak turmush o’rtog’i etiborini jalb qilishidir. Buning haqiqatga naqadar yaqin ekanligi esa ma’lum emas.
Slavyanlarda va ayrim sharq mamlakatlarida bilakka taqilgan qizil ip ko’z tegishidan saqlashi hamda hayotga moliyaviy farovonlik, baxt va omadni jalb qilishi haqida ayrim tushunchalar mavjud. Shu sababli ushbu millat vakillari qadimdanoq bolalar va kattalar bilagiga qizil ip bog’lab qo’yishgan.
Ayni kunlarda qizil ip Gollivud yulduzlari orasida ham yetarlicha ommalashdi. Ana shunday yulduzlardan biri Madonna bo’lib, xonanda ko’plab intervyularida ushbu buyum uning hayotiga muvaffaqiyat olib kirgani haqida qayd etib o’tgan.
Ha aytganday, aytishlaricha, bilakdagi ipni o’z sohibi bog’lasa hech qanday kuchga ega bo’lmas emish. Shu sababli ushbu buyumdan foydalanishni istaganlar uni bog’lab qo’yishni o’z yaqinlaridan iltimos qilishadi. Ipning ikki uchi etti marta tugilib, har bir tugun tugilayotgan paytda biror narsa haqida niyat qilinadi. Bunday ipni maxsus do’konlardan sotib olish yoki shu rangdagi to’quv iplaridan tayyorlash mumkin. Qizil ip har doim chap bilakka taqiladi.
Nima ham derdik, bu borada har kimning o’z qarashi va fikri bor. Qizil ipning haqiqatan ham ijobiy sifatlarga ega yoki yo’qligi haqida esa aniq faktlar mavjud emas. Yana kim biladi deysiz?