Biz jismonan sog‘lom bo‘lishimiz uchun nima qilishni bilamiz: to‘g‘ri ovqatlanish, mashq qilish, o‘ta charchab ketmaslik va ko‘p sayr qilish.Ma’lum bo‘lishicha bularning ba’zilari ruhiy sog‘lomlik uchun ham foydali ekan. Agar sizni hech narsa bezovta qilmayotgan bo‘lsa, bir necha foydali odatlar kayfiyatingizni ko‘tarishga yordam beradi.
Ruhiy sog‘lomlikka qanday erishish mumkin?
1. Odamlar bilan munosabatda bo‘ling
Oila va do‘stlar bilan bo‘lgan o‘zaro munosabatlarda biz hissiyotlarimiz bilan o‘rtoqlashamiz, bizni tushunishadi, bizni qo‘llab-quvvatlashadi va o‘zimiz ham ularni qo‘llab-quvvatlaymiz. Va yana bir muhim tomoni: agar atrofingizdagi odamlar qanchalik omadli va baxtli bo‘lsalar, siz ham buni ulardan o‘rganasiz.
2. Har doim o‘qib-o‘rganishni davom ettiring
O‘qish miyani chiniqtiradi va Alsgeymer kasalligining paydo bo‘lish xavfini kamaytiradi. U shuningdek sport kabi o‘zini sevishga imkon beradi. O‘zini qulay his qilish esa juda muhim.
3. Harakat qiling
Harakat qilish uchun sport zaliga yoki yugurishga bormasa ham bo‘ladi. Muhimi, tana ishlash kerak, aynan qanday qilib — buni o‘zingiz tanlang.
Kimgadir voleybol singari guruh bo‘lib o‘ynaladigan o‘yinlar yoqadi, kimdir raqsga tushishni afzal ko‘radi, kimgadir esa — kuchuk bilan sayr qilish. Faollik nafaqat tana uchun, balki miya uchun ham zarurdir.
4. Yaxshilik qiling
Bu ko‘ringanidan ham ko‘ra osonroq. Ertalab sizni ishga olib borgan avtobus haydovchisiga «rahmat» deb ayting, qorovulga salom bering, do‘kon sotuvchisi bilan xushmuomala bo‘ling.
Bu qiyin emas, miya esa bunday harakatlarni «xayrli ishlar» to‘plamiga qo‘shib qo‘yadi va bu sport kabi ta’sir ko‘rsatadi.
5. Haqiqiylikdan ajralmang
Ruhiy salomatlik uchun o‘tgan kunlar to‘g‘risida o‘ylamasdan bugungi kun bilan yashash juda muhim.
Hozirgi zamon bilan yashash, o‘zingizni va o‘z tanangizni his qilish zarur. Ba’zilar bu holatni anglash yoki tushunish deb ataydilar.
Anglash tufayli biz to‘g‘ri qarorlar qabul qilamiz, chunki butun vaziyatni tushunamiz va nima xohlayotganimizni bilamiz.
Anglash nafaqat chiroyli so‘z, balki hayotni qabul qilish usuli hamdir. U bizning ruhiy salomatligimiz uchun kerak.
Manba: «Daryo.uz»