Modada galstukning tashqi ko‘rinishi doimiy ravishda o‘zgarib turadi, goh ingichka, goh keng, goh uzun va gohida kalta ko‘rinishda bo‘ladi.Galstuk tanlash
Ish kiyimi uchun yaxshisi, galstukning sifatiga e’tibor qaratgan holda an’anaviy rang va ko‘rinishdagi galstuklarni tanlagan ma’qulroq.
Galstuklarning mavsumiyligi
Qishki va yozgi galstuklar matolarining qalinligi va rangi bilan farq qiladi. Gazlama qancha qalin va issiq bo‘lsa, bunday galstuk yengil yozlik kostyumga shuncha yarashmaydi.
Galstuklardagi klassik chiziqlar
Mayda no‘xat. No‘xat qancha mayda va och rangli bo‘lsa, galstuk shuncha rasmiyroq ko‘rinadi.
Fulyar. Fulyar – bu mayda, bir xil fonda muntazam ravishda takrorlanib turuvchi geometrik chiziqlar. Bunday galstuklar rasmiy ish tadbirlari uchun mos tushadi.
Diagonal chiziqlar. Hamma tadbirlar uchun to‘g‘ri keladigan klassik bezakli galstuklar.
Galstuk taqish qoidalari
Galstuk kengligi pidjak yoqasining kengligiga qarab tanlanadi.
Klassik kiyinish uslubida galstukning keng uchi kamar zanjirigacha kelishi yoki uni 1 sm yopib turishi kerak.