Turmush o‘rtog‘im bilan supermarketdan xarid qildik. Men qandolatchilik maxsulotlari bo‘limiga yaqinlashganimda erim g‘azna oldiga borib navbat olishini aytib ketdi. Bir ikkita shirinlik oldim-u g‘aznaga bordim. Erimni ortida yana uch-to‘rt ayol navbatda turardi. Men erim yoniga borib shunday dedim:— Kechirasiz, meni xaridlarim kam edi, orqada navbatda turmay sizni aravangizga solib g‘aznadan birga to‘lab o‘tsakchi?
— Mayli, — dedi erim. Uning orqasidagi ayollar menga ensa qotirib qarab qo‘yishdi. Navbatimiz kelgach erimga:
— Menga ham to‘lab yubormaysizmi? Bor yo‘g‘i ikki quti shirinlik olgandim. Shirinliklarni yaxshi ko‘raman-da.
— Xo‘p bo‘ladi, — dedi erim. Ayollarning esa battar qoshlari uchirilib ketdi. Xaridlarni sellofanlarga joylab bo‘lgach erimga:
— Kechirasiz, mashinada bo‘lsangiz meni ham eltib qo‘yolmaysizmi?
— Bajonidil,- dediyu erim kulgidan o‘zini tutib turolmadi. Ortimizdagi ayollar hamon hayron turishardi.
Manba: Diydoraziz.uz