Qozog‘iston poytaxti Ostona shahrida kuzatilayotgan qattiq sovuq tufayli hududdagi maktablarning boshlang‘ich sinflarini yopishga to‘g‘ri kelgan. Bu haqda shahar hokimiyatiga asoslanib, tengrinews.kz sayti xabar bergan.Xabarda aytilishicha, 18 fevraldan boshlab maktablarda 1-4 sinf o‘quvchilarining uyda qolishiga ruxsat berilgan.
O‘tgan oyning so‘ngida ham shunday holat kuzatilgan edi.
Kazgidromet ma’lumotlariga ko‘ra, Qozog‘istonda shu haftada harorat -35 darajagacha pasayishi mumkin. Poytaxt Ostonada esa, 18 fevral kechasi -27 gradus sovuq bo‘lishi kutilmoqda.
Ayni vaqtda mamlakatlarning katta qismini quyuq tuman qoplagan. Shamol tezligi esa, sekundiga 15-20 metrni tashkil etmoqda. 20 fevral kuni esa, harorat -38 gradusga ham tushishi mumkinligi aytilmoqda.
Manba: www.kun.uz