Foto: ria.ru
Armaniston prezidenti Armen Sarkisyan Nikol Pashinyanni mamlakat bosh vaziri etib tayinladi. Bu haqdagi tegishli hujjat davlat rahbarining rasmiy saytida e’lon qilindi.
Pashinyanning nomzodi parlamentda ko‘pchilikni tashkil etuvchi «Grajdanskiy dogovor» partiyasi tomonidan ilgari surilgandi.
Armaniston konstitutsiyasiga muvofiq, milliy majlis vakolatlarining yangi muddati boshlanganida prezident parlamentdagi ko‘pchilik taklif etgan nomzodni bosh vazir etib tayinlaydi.
20 iyun kuni «Grajdanskiy dogovor» partiyasi parlamentga muddatidan avval bo‘lib o‘tgan saylovda g‘alaba qozongandi.