Foto: «Rusdialog.ru»Turkiya koronavirusga qarshi Rossiya vaksinasini sotib olmaydi, chunki u tegishli laboratoriya amaliyotiga muvofiq emas, dedi respublika Sog‘liqni saqlash vazirligi rahbari Faxrettin Koja.
«Muammo shundaki, Rossiya vaksinasi GLP (tegishli laboratoriya amaliyoti)ga mos kelmaydi, shuning uchun u bizning e’tiborimizdan chetda qoldi», — deya Koja so‘zlarini keltirmoqda «Haberturk».
«Worldometers» ma’lumotlariga ko‘ra, Turkiyada koronavirusga chalinganlar soni 893,630 kishiga yetdi. 15,314 bemor hayotdan ko‘z yumdi. 441,515 kishi kasallikdan forig‘ bo‘lgan.