Ayni paytda butun dunyoga Italiya shimolida mutatsiyaga uchragan koronavirus shtammi keng tarqalmoqda va aynan shu shtamm pandemiyaga sabab bo‘lgan. Xuddi shunday fikrlarni nemis epidemiologi Aleksandr Kekule ilgari surmoqda. Uning ta’kidlashicha, bunga hech kim jiddiy e’tibor bermagan.Yevropada hech kim infeksiya xavfiga jiddiy ahamiyat qaratmadi. Shu bois hozir Italiya shimolida koronavirusning mutatsiyaga uchragan turi butun dunyoga keng tarqalib ketgan.
«Global pandemiyaning otilish nuqtasi Italiya shimolida», deydi mutaxassis. Uning ta’kidlashicha, infeksiya bilan zararlanganlarning 99 foizdan ko‘prog‘ida aynan shu shtamm aniqlanmoqda. Shu bilan birga, Kekule "Covid-19" (SARS-nCov-2) virusi birinchi marta Xitoyning Uxan shahrida paydo bo‘lganini inkor qilmagan.
Epidemiologning ta’kidlashicha, bir necha hafta davomida Italiyada koronavirus tarqalishi sezilmayapti va bu uni mutatsiyaga uchraganidan va odamlarga yaxshi moslashganidan darak beradi.
Kekulega ko‘ra, koronavirus xavfi haqidagi ogohlantirishlarni e’tiborsiz qoldirgan yevropaliklar jiddiy xatoga yo‘l qo‘ygan.
«Hech kim tahdidni jiddiy qabul qilmadi», deydi mutxassis.
Shifokor Germaniya hukumatini ham qattiq tanqid qildi. Virusologlarning pandemiyaning ikkinchi to‘lqini yaqinlashishi haqida bir ovozdan ogohlantirganiga qaramay rasmiylar bunga tayyorgarlik ko‘rmagan.
"Covid-19" qo‘zg‘atuvchisi kabi viruslarning tarqalishi, ayniqsa, sovuq mavsumda tezlashadi", deydi Kekule.
Pandemiyasi boshlagandan beri dunyoda ushbu infeksiya bilan zararlanganlar soni 60 million nafardan oshdi, 1,4 milliondan ortiq odam mazkur virus asoratlari tufayli hayotdan ko‘z yumdi.