Foto: APJanubiy Koreyaning Oziq-ovqat va dori vositalari xavfsizligi vazirligi COVID-19 hamda mavsumiy grippni bitta namunadan aniqlay oladigan yangi testni ma’qulladi. CNN xabariga ko‘ra, ushbu usul orqali bemorlar ham COVID-19, ham mavsumiy grippga qarshi natijalarni 3–6 soat ichida olishlari mumkin.
«Bu ham tibbiyot xodimlariga, ham bemorlarga test natijalarini kutishdagi noqulayliklarni kamaytiradi», – degan Janubiy Koreyaning sog‘liqni saqlash bo‘yicha rasmiy vakili Yun Ta Xo brifingda.
Ma’lumot uchun, Janubiy Koreyada payshanba kuni koronavirusga chalinish bilan bog‘diq 125ta yangi holat qayd etildi. Bu – KDCA (Koreyada kasalliklarni nazorat qilish agentligi)ning ma’lumotlariga ko‘ra, 23 oktabrdan beri kunlik eng yuqori o‘sish hisoblanadi.
Mamlakatdagi tasdiqlangan umumiy kasalliklar soni 27 mingdan ortiqni, vafot etganlar soni esa 475 nafarni tashkil etmoqda.