Nike dunyoning eng qimmat kiyim brendi deb topildi

^{Foto: REUTERS/Valentyn Ogirenko}
Nike dunyoning 2020 yildagi eng qimmat kiyim brendi bo‘ldi. U 34,3 milliard dollarga baholandi. Bu haqda Interbrand konsalting agentligi ma’lum qildi.

Agentlik tahlilchilarining hisob-kitoblariga ko‘ra, Nike joriy yilda o‘tgan yil bilan taqqoslaganda olti foizga qimmatladi. U dunyoning eng qimmat kompaniyalari umumiy reytingida 15-o‘ringa ko‘tarildi.

Undan bir pog‘ona pastda Fransiyaning Louis Vuitton modalar uyi joylashdi (umumiy reytingda 17-o‘rin).

Ulardan keyingi o‘rinni narxi 21,2 milliard dollar deb baholangan Chanel brendi egalladi. Yuqori beshlikka shuningdek, Hermes modalar uyi va Gucci kompaniyasi joylashdi.

Adidas ro‘yxatning 50-qatoridan joy oldi, Dior va Prada esa mos ravishda 83- va 99-o‘rinlarni egalladi.
Nike o‘tgan yil oktabrida dunyodagi eng qimmat sport brendi deb topilgandi.