Japarov Qirg‘iziston prezidenti yaqin kunlarda iste’foga chiqishini aytdi

^{Sooronbay Jeenbekov / Foto: 24.kg}
Qirg‘iziston prezidenti Sooronbay Jeenbekov ikki-uch kun ichida iste’foga chiqishi mumkin. Bu haqda mamlakatning yangi bosh vaziri Sadir Japarov ma’lum qildi.

"Prezident hukumatning yangi tarkibi tasdiqlanib, u bilan bog‘liq barcha jarayonlar yakunlanishi bilan ikki-uch kun ichida iste’foga chiqishini aytdi", - dedi Japarov jurnalistlarga.

Avvalroq Qirg‘iziston parlamenti Sadir Japarov boshchiligidagi vazirlar mahkamasining yangi tarkibini tasdiqlagandi.
6 oktabr kuni parlament a’zolarining bir qismi bosh vazirlikka Sadir Japarov nomzodini ma’qullab ovoz bergandi.