Foto: «Azertaj» Ozarbayjon prezidenti Ilhom Aliyev «Al Jazeera»ga bergan intervyusida Boku Armaniston qo‘shinlari Tog‘li Qorabog‘ hududini tark etgan taqdirda yarashish tomon qadam tashlashini bildirdi.
«Bizning shartimiz shunday — ular barcha hududlardan qo‘shinini olib chiqib ketishi shart. Qo‘shinlarni olib chiqish jadvalini bizga taqdim etishsin, vositachilar guvohligida jiddiy majburiyatlarni olishayotganini tasdiqlashsin», — dedi jumladan Aliyev.
Aliyev qo‘shimcha qilishicha, Boku «yana 30 yil kuta olmaydi» va nizoni tez orada bartaraf etmoqchi.