“Novavax” kompaniyasi “Covid-19”ga qarshi vaksina bo‘yicha ikki muvaffaqiyatli tadqiqot natijalarini e’lon qildi

^{Illustrativ surat}
AQSHning “Novavax” kompaniyasi koronavirusga qarshi samara berishi kutilayotgan vaksina ustida olib borilgan ikki muvaffaqiyatli tadqiqot natijasini e’lon qildi.

Birinchi tadqiqot natijalari 56 nafar ko‘ngillida xavfli yon ta’sirlarsiz virusga qarshi antitanachalarning yuqori miqdorini ko‘rsatgan.
Ikkinchi tajribada esa vaksinaning koronavirus infeksiyasidan himoya qila olishi aniqlangan.

“Novavax” AQSH federal hukumatidan vaksina yaratish uchun 1,6 milliard dollar olgan. Ammo kompaniya vaksinani qachon ommaviy ishlab chiqarishni boshlashini ma’lum qilmagan.