AQSh Kongressi vakillar palatasi Kievga 1 mlrd dollarlik harbiy yordam ajratilishini nazarda tutuvchi qonun loyihasini taqdim qildi. Bu haqda “RIA “Novosti” axborot agentligi xabar berdi.Qonun loyihasiga ko‘ra, AQSh 2017 yilga qadar Ukrainaga harbiy yordam, shu jumladan, qurol-aslaha ajratadi.
“AQSh Mudofaa vaziri Davlat kotibi bilan hamkorlikda 2017 yilning 30 sentyabriga qadar Ukraina harbiy kuchlari va milliy xavfsizlik kuchlariga o‘quv anjomlari, mudofaa xarakteridagi qurol-aslaha, logistik ko‘mak, turli xil jihozlar va ta’minlash vositalarini o‘z ichiga olgan yordamni taqdim qilishga mas’ul bo‘ladi. Ushbu ishlarni bajarish uchun 1 mlrd dollar ajratiladi”, deb aytiladi hujatda.
Avvalroq, Minskda bo‘lib o‘tadigan ikki davlat etakchilari uchrashuvida Kievga qurol-aslaha etkazib berilishi masalasi uzil-kesil hal qilinishi aytilgan edi.
Manba: www.kun.uz